Gin-ako sang Department of Education nga kulang gid ang numero sang mga rehistrado nga guidance counselor sa mga pampubliko nga buluthuan.
Suno kay Assistant Secretary for Operations Joyce Andaya, may 5,000 plantilla items ang nakatigana, apang masobra 1,000 lang ang nagakaakuparan para sa masobra 40,000 ka mga eskwelahan sa pungsod.
Base sa Guidance and Counseling Act of 2004 (Republic Act 9258), kinahanglan sang bachelor’s degree kag master’s degree sa guidance and counseling ukon kaangot nga disiplina antes makakuha sang lisensya bilang guidance counselor. Sa karon, yara sa P40,000–P50,000 ang entry-level salary para sa posisyon.
Ginhatagan pagtamod ni Presidente Ferdinand Marcos Jr. sa iya nga SONA ang pagkinahanglan nga madungangan ang guidance counselors agud makabulig sa mga estudyante nga nagaka-eksperyensya sang depresyon kag bullying.
Magluwas diri, nagpangayo man sang bulig ang DepEd-NCR sa kapulisan agud magronda sa guha sang mga buluthuan. Nagapakig-angut man ang ahensya sa mga LGU kag barangay para masiguro ang seguridad sang mga estudyante.
