Ginhatagan sang importansya sang School Division of Roxas City kag Disaster Risk Reduction and Management ukon DRRM ang mga programa nga nagasuporta sa kaayuhan sang mga estudyante sa eskwelahan.
Sa interview sang Bombo Radyo kay Maribeth Baldonado, DRRM Coordinator kag Information Officer, iya ginpahayag nga bisan na-refer na ang isa ka learner para sa bulig ukon intervention, padayon sa gihapon ini nga ginamonitor sang eskwelahan agud masiguro ang iya kahimtangan.
Suno kay Baldonado, ginasiguro man sang nga mapadayon ang pagtuon sang mga estudyante bisan may emerhensya ukon personal nga problema.
Kun indi makasulod sa eskwelahan ang learner, mahimo ini nga mahatagan sang modules pinaagi sa alternative learning mode.
Dugang pa sini, nga may Mental Health and Psychosocial Support Section ang Schools Division Office sang Roxas City nga nagabulig sa pag-atipan sang emosyonal, sosyal kag mental nga kaayuhan sang mga estudyante kag empleyado sang eskwelahan.
