-- ADVERTISEMENT --
Nakarekord ang Department of Education (DepEd) Capiz sang 203 ka kaso sang bullying sa mga eskwelahan sa probinsya halin sang tuig 2024 tubtob subong nga tuig 2026.
Sa interview sang Bombo Radyo kay Jheah Mae Grace Lingco, Project Development Officer I sang DepEd Capiz, iya ginpahayag nga sa amo nga numero, 101 ka kaso ang may kaangtanan sa physical bullying, 46 ka kaso ang social bullying, kag 20 ka kaso ang cyberbullying.
Suno kay Lingco, may 35 man ka kaso sang retaliation ukon pagtimalos nga narekord sa amo man nga tion.
Padayon naman ang DepEd Capiz sa pagpatuman sang mga programa kag kampanya batok sa bullying agud maprotektahan ang kaayuhan kag seguridad sang mga estudyante sa sulod sang mga eskwelahan.
