Preparado na ang Department of Education- Capiz para sa pagbukas sang school year 2026-2027.
Sa interview sang Bombo Radyo kay Yzarda Claudette Ballera, Division Information Officer sang Department of Education- Capiz, iya ginpahayag nga handa na ang mga eskwelahan sa pagbukas sang klase sa palaabuton nga June 8, 2026.
Suno kay Ballera, apisar may yara sang kakulangan sa pila ka mga classroom sa probinsya , ginasiguro man nga may igapatigayon nga mga make shift classes agud matatapan ang tanan nga mga estudyante.
Pahayag pa niya, nagapadayon man ang pagbulig sang mga local government units agud nga ma-aksyunan ang pila ka mga problema nga ginapangatubang sang mga manunudlo, estudyante kag eskwelahan.
Ginpasiguro man sang natungdan nga magapadayon ang mas masangkad kag epektibo nga pagtudlo sa mga estudyante para sa masanag nga palaabuton.
