Gin-aprubahan sang Department of Education (DepEd) ang pagtaas sang sweldo sang mga manunudlo sa pribado nga eskwelahan sa idalum sang Teacher’s Salary Subsidy (TSS) halin sa P18,000 tubtob P24,000 umpisa subong nga school year 2025-2026.
Ini nagasanto sa gihapon sa direktiba ni Presidente Ferdinand Marcos Jr. sa iya ika-apat nga State of the Nation Address (SONA) para sa mas maayo nga kalidad kag mas mataas nga standards sang edukasyon sa pungsod.
Suno kay Education Secretary Sonny Angara, may kinahanglanon subong nga ipaanggid ang bayad nga ginabaton sang mga private school proctors sa mga public school teachers’ para sa mas maayo nga pagtudlo.
Samtang, ang TSS ang isa lang sa mga components sa idalom sang Government Assistance to Students and Teachers in Private Education (GASTPE) nga programa nga nagasuporta sa mga full-time licensed teachers nga mga empleyado sang mga pribado nga eskwelahan nga nagapasakop sa Eduaction Service Contracting (ESC) scheme sa sulod sang tatlo ka oras kada semana.
Ang ini nga inisyatibo sang DepEd, suno sa iya, nagapakita lamang sang ila commitment nga pabaskugon ang ila suporta para sa mga stakeholders sang pribado nga edukasyon.
Sa karon, ang gobyerno nasyonal padayon nga nagakoordinar sa mga lokal nga gobyerno, mga kaupod sa pag-uswag, kag bisan sa iban pa nga mga pribado nga institusyon sang edukasyon para sa sini nga katuyuan.
