Gin-athag sang Department of Education (DepEd) nga fake news ang nagalapta online nga Saturday classes para sa mga estudyante sa elementarya kag senior high school (SHS).
Ginhimo sang ahensiya ang pagpaathag matapos naglapta sa social media ang isa ka advisory nga ginapahayag nagikan sa DepEd kun sa diin nakasulat nga may klase kada Sabado ang mga bata, elementarya, junior kag senior highschool umpisa sa Hulyo 5.
Kaangot sini, liwat nga ginpahanumduman sang ahensiya ang publiko nga maghalong kag mangin mainusisaon batuk sa ano man nga sahi sang misinformation.
Gin-abisuhan man ang publiko nga magdangop lang sa official social media accounts sang DepEd para sa mga anunsiyo kag impormasyon.
Madumduman, nga nag-umpisa na ang mga klase sa mga pampubliko nga buluthuan para sa School Year 2025-2026 sang Hunyo 16 kun sa diin yara sa 27 million ka mga estudyante ang nag-enroll halin sa preschool tubtob sa SHS.
