Ginatugunan sang sang Department of Education ang nagalala nga problema sa utang sang mga manunudlo paagi sa mga programa kaangay sang Provident Fund kag loan consolidation.
Sa interview sang Bombo Radyo kay Education Secretary Sonny Angara, iya ginpahayag nga katuyuan sang sini nga mga tikang amo ang pagbulig sa mga manunudlo, ilabi na sa tion sang emerhensya ukon kalamidad, kag mabuhinan ang mataas nga interest gikan sa mga pautang halin sa nagkalainlain nga mga institusyon.
Apang ginpanindugan sang Alliance of Concerned Teachers (ACT) nga ang ugat sang nagalala nga palas-anon sa utang amo ang manubo nga sweldo sang mga manunudlo, sa diin siyam sa 10 ka rank-and-file nga mga manunudlo ang ginareport nga nagakita sang manubo sa family living wage.
Ginhatagan pagtamod sang Alliance of Concerned Teachers nga ang pagsaka sang sweldo madugay na nga kulang kag padayon nga ginabuslan lamang sang inflation kag iban pa nga deductions, nga nagapilit sa mga manunudlo nga magpautang agud mabuhi.
