Hugot nga ginpanginwala sang Department of Education (DepEd) ang mga posts nga nagalapta sa social media nga nagapahayag nga may yara sang dugang nga Grade 13 sa mga senior high schools umpisa School Year 2025–2026.
Natumod sang DepEd ang isa ka post sa Facebook nga may peke nga publication material nga nagapatimaan sang ginaalegar bag-o nga grado sa senior high school. Ginklaro sang ahensya nga ang senior high school ang may Grade 11 kag Grade 12 lang.
Nagapahanumdom ang DepEd sa publiko nga mangin kritikal kag likawan ang pagpalapta sang sala nga impormasyon. Para sa opisyal nga balita, magbisita lang sa DepEd Philippines official social media accounts.
Samtang, ginbalik naman sa pre-pandemic school calendar ang school year, sa diin ang masunod nga school year magasugod sa Hunyo 16, 2025 kag
magatapos sa Marso 31, 2026, sandig sa DepEd Order No. 12, Series of 2025.
