ROXAS CITY – Klaro nga madamo sang ginlapas nga ordinansa kag pagsulundan ang Department of Education (DepEd)-Capiz sa tunga sang nasambit nga ahensya kag Sanggunian Panlalawigan.
Ini ang ginpahayag ni Board Member Jonathan “Sonny” Besa sang mainterview sang Bombo Radyo.
Suno diri, wala nasunod sang natungdan nga ahensya ang appropriation ordinance, sa pag-implementar sang rules and regulations sa pag-usar sang radyo bangud wala pa nadihon ang pagsulundan ginpa-operate na ini.
Ginpahayag ni BM Besa, nga klaro nga nakasaad sa ordinansa sa pagpatukod sang DepEd Radio-based instruction, amo ang pagpahamtang sang nasambit nga radyo malapit sa Capiz Division, usaron ini sa mga educational information kag hugot nga ginadumilian ang pulitika apang wala ini natuman sang DepEd.
Gintuad sini nga klaro nga nagpa-usar ang ahensya sa kapritso sang nagapungko nga gobernador kun sa din mabatian sa amo nga radyo ang pagpakamalaut sang grupo ni Gobernador Contreras sa SP kag sa mga kasumpong sini sa pulitika kag pagpahamtang sang station sa ESLA.
Matandaan nga gin-aprubahan sang SP ang pondo nga P5 milyon nagikan sa gobyerno probinsyal kag P5 milyon naman nagikan sa Special Education Fund sa tuig 2020Dugang pa ni BM Besa nga wala gin-alokaran sang pondo ang pag-mentinar kag other expenses sang pagpadayun sang amo nga radyo sa tuig 2022.
Sa karon, ginahulat na lang sang SP ang proposal kag mga rekomendasyon sang DepEd agud matun-an, antes iduso sa masunod nga administrasyon kun ini ang magapadayun.
