MANILA, Philippines – Naglunsyar ang Department of Education ukon DepEd sang hugot nga security measures sa mga pampubliko nga eskwelahan sa bug-os nga pungsod kasunod sang nagluntad nga pagpangluthang sa isa ka eskwelahan sa Tacloban City nga kun sa diin patay ang tatlo ka estudyante kag injured naman ang kapin sa 15 ka estudiyante.
Lakip sa mga ipatuman sang DepEd amo ang hugot nga inspeksyon sang mga bag gamit ang handheld Metal Detectors, pagbutang sang Closed-Circuit Television ukon CCTV cameras, kag istrikto nga screening sang tanan nga nagasulod sa school campuses.
Dugang pa sa igapatigayon man sang safety audits ang ahensya sa mga eskwelahan agud masiguro ang seguridad sang mga estudyante, manunudlo kag bisita, samtang pagasundon man ang mga polisiya sa child protection kag Anti-Bullying Act.
Sa karon nahibaluan sa pahayag ni Education Secretary Sonny Angara, ginmandu niya ang tanan nga school divisions nga hugot nga ipatuman ang mga bag-o nga seguridad nga tikang, samtang nagpasalig man ang Philippine National Police “PNP”, sang bug-os nga suporta sa programa.
