Nagpabutyag sang kabalaka kag kahadlok sang Department of Education (DepEd) matapos ang shooting incident sa sulod sang Banga National High School sa banwa sang Banga, South Cotabato.
Natabo ang nasambit nga pahayag matapos nga nagtuga sang kahadlok kag alarma ang insidente sa diin ginaalegar pilason ang pila ka mga estudyante.
Ginapahayag nga gilayon nga gindala sa South Cotabato Provincial Hospital ang mga pilason nga estudyante agud mahatagan sang gilayon nga medical attention kag ma-assess ang ila kondisyon.
Gin-anunsyo sang DepEd nga nagapakig-angut sila sa tagdumalahan sang eskwelahan kag sa mga otoridad agud mahibaluan ang bug-os nga insidente kag mahatagan sang kinahanglanon nga bulig ang mga apektado.
Ginhatagan pagtamod sang ahensya nga angpinakauna nga prayoridad amo ang kaluwasan kag kaayuhan sang mga estudyante, manunudlo, kag mga tinawo sang eskwelahan.
Nagpakitluoy man ang DepEd sa publiko nga mangin kalmado kag likawan ang pagpalapta sang unverified information.
Sa subong padayon ang imbestigasyon sang mga local police elements agud mahibaluan ang eksakto nga numero sang mga biktima kag makuhaan sang detalye angut sa motibo sang krimen.
