MANILA, Philippines – Nagpagwa ang Department of Education “DepEd”, sang bag-o nga mga patakaran agud maghatag sang mas klaro nga giya sa mga eskwelahan sa pagdesisyon may kaangtanan sa bagyo, pagbaha, linog, init, health crises, kag iban pa nga emerhensya.
Sa idalom sang DepEd Order No. 14, ginpatuman ang apat ka lebel sang learning continuity framework nga magabulig sa mga school heads kag division officials sa pagdesisyon kon paano ipadayon ang pagtuon sang mga estudyante.
Ang una nga lebel ginatawag nga “hayo” ukon continue, sa diin ang regular nga mga klase sa personal ginahiwat pagkatapos nga ang mga stakeholders ginakabig nga luwas.
Ang ikaduha amo ang “hinay” ukon ease-in, nga nagakinahanglan sang mas mahinay kag mas madali nga pagtuon sa tion sang step by step kag flexible learning sa tion sang mild disruptions.
Samtang, ang ikatatlo nga lebel nga “Hinga” ukon check-in, ang mga kinahanglanon sa akademiko ginabuhinan kag ang pag-usisa sa kaayuhan ginauna.
Para sa ikaapat nga lebel, nga ginatawag nga “hinto” ukon pag-untat, ang pagtuon ginapauntat bangod ang kaluwasan kag panguna nga mga kinahanglanon ginakabig na karon nga yara sa katalagman.
Sa karon nahibaluan suno sa DepEd, ginatuyo sang bag-o nga polisiya nga malikawan ang automatic nga pagsuspend sang klase kag masiguro nga makapadayon gihapon sang pagtuon ang estudyante bisan may emerhensya ukon kalamidad.
