Nagpahanumdom ang Department of Education (DepEd) sa mga personnel sini nga indi dapat pagprenda ukon gamiton nga kolateral ang ATM payroll card agud nga makautang.
Sa DepEd Memorandum No. 049, s. 2026, na-mention ang una nga Office Memorandum nga may petsa Abril 18, 2020, amo man ang abiso sang Bangko Sentral sang Pilipinas (BSP) tuhoy sa “Sangla-ATM” scheme nga ginpaguwa sang Mayo 2023.
Suno sa DepEd, mataas ang risgo kag mahimo maabuso pa ang pag-withdraw sang kwarta, mahimo man nga malubong sa utang kag posible sala nga paggamit sang personal kag sensitive nga impormasyon.
Gina-engganyo sang DepEd ang mga personnel nga maghalong sa pagsulod sa mga agreement sa pautang kag likawan ang mag indi pormal ukon indi otorisado nga lending scheme nga may mataas nga interes, may mga hugot nga kondisyon kag abosado nga mga pagsulondan.
Ginpanugyanan man sang DepEd ang mga empleyado nga halongan ang ila ATM payroll accounts kag personal kag sensitibo nga impormasyon.
