TACLOBAN CITY – Natapos na sang Department of Education ukon DepEd ang tatlo ka adlaw nga psychological intervention para sa mga estudyante kag manunudlo sang San Jose National High School sa Tacloban City, agud mabuligan sila nga makalampuwas sa trauma nga nga pagpangluthang sang Hunyo 22.
Suno sa DepEd Tacloban Schools Division senior guidance coordinator sang nga si Julienne Rosa Saballa., ang programa ginpatigayon upod ang Department of Health, mental health professionals kag iban pa nga ahensya agud maghatag sang emosyonal kag psychosocial nga suporta sa mga naapektuhan.
Ginhatagan prayoridad ang mga estudyante nga direkta nga nakasaksi sa insidente, samtang ang tanan nga teaching personnel nag-agi man sa intervention.
Lakip sa mga aktibidad ang storytelling, art therapy, individual kag group counseling.
Dugang pa sa ginpahayag sang DepEd nga kabahin ini sang padayon nga tikang sang ahensya agud mabalik ang normal nga kahimtangan sa eskwelahan matapos ang insidente nga pagpangluthang.
Sa karon nahibaluan man nga ang 14- kag 15-anyos nga suspetsado gina-hold sing separado sa isa ka Department of Social Welfare and Development rehabilitation facility, sa diin sila nagapaidalom sa standard rehabilitation program para sa mga kabataan nga naglpas sa layi.
