Dumistansya ang Department of Education (DepEd) sa kontrobersyal nga libro ni anay Education Secretary kag Vice President Sara Duterte nga gintawag nga ‘Isang Kaibigan’.
Suno kay DepEd Undersecretary Gina Gonong, nakita na lamang sang mga DepEd personnel ang nasambit nga libro sa mismo nga adlaw sang launching.
Dugang pa ni Gonong, naimbitaran si VP Sara bilang isa sa mga reading ambassador para magbasa sang istorya para sa mga bata. Ang kada ambassador suno diri ang may kinamatarong nga pilion ang anu man nga libro nga ila luyag basahon para sa mga bata, basta ang mga ini ang intsakto sa ila edad.
Diri, ginbasa sang anay tiglikom ang mismo nga libro sini.
Bangud, wala sang kinangtanan ang DepEd sa nasambit nga libro, wala na ini nag-agi sa quality assurance ukon nakakuha sang accreditation gikan sa ahensiya.
Suno naman kay DepEd Secretary Juan Edgardo “Sonny” Angara, wala man sang official record nga nagapahayag kun ginbayaran ang mga illustrator sang libro.
Ang ‘Isang Kaibigan’ nga libro ni VP Sara ang una nga nagguha sa ginhiwat nga hearing sang Senado sa budget proposal sang Office of the Vice President para sa tuig 2025. Nagahinyo ang OVP sang P10 million para sa paghimo sini.
