ROXAS CITY, CAPIZ – Ginpakigbahin sang Department of Education Region VI ang mga inisyatibo kag programa agud ma-address ang manubo nga basic and functional literacy rates sa Western Visayas.
Sa interview sang Bombo Radyo kay Mr. Hernani Escullar Jr., spokesperson sang DepEd Region VI, iya ginpahayag nga umpisa Kinder tubtob Grade 12, madamo sang nakapanglinyada nga mga programa agud masiguro nga ma-enhance ang ila nga basic kag numeracy literacy.
Pila sa mga aktibidad nga nakalakip amo ang Libro Bitbit Literacy, Reading opportunities, kag iban pa. Suno kay Escullar, kumpyansa ang ahensya nga nagahatag ini sang kalidad nga edukasyon sa mga learners.
Dugang niya, nagaserbe nga potentional model para sa localized assessment kag targeted intervention ang proactive approach sang DepEd Region 6.
Magluwas sa talatapan, may yara man sang iban nga program nga suportado sang mga organisasyon kaangay sang Tib-ong Bumulutho Program sa diin naka-focus ini sa reading kag numeracy remediation activities.
