ROXAS CITY – Wala pa sang mga classrooms sa idalom sang Department of Education (DepEd) Roxas City Division nga ginagamit bilang isolation ukon quarantine area para sa mga Persons Under Monitoring (PUM’s) bangud sang coronavirus disease (COVID-19).
Ini ang ginpahayag sang Public Information Officer sang DepEd-Roxas City Division nga si Maribeth Baldonado sang mainterview sang Bombo Radyo.
Suno kay Baldonado, wala pa sang may nagpadala sang request gikan sa local government unit (LGU) sa ila nga talatapan nga nagahinyo nga gamiton ang pila ka mga classrooms para sa mga PUM’s.
Suno diri nga nakahanda man sila nga magsunod sa ginpapanaog nga memorandum sang DepEd central office natuhoy sa pagtalana sang mga hulot bilang quarantine ukon isolation area.
Ini ang bilang bulig man sang DepEd sa gobyerno kag sa Inter-Agency Task Force for the Management of Emerging Infectious Diseases (IATF) sa kampanya kontra COVID-19.
Apang suno kay Baldonado, may pila ka mga terms and conditions nga dapat sundon ang LGU antes gamiton ang mga classrooms bilang quarantine ukon isolation areas.
Kalakip na diri ang pagdihon sang sulat sang isa ka LGU nga naga-request sa school head ukon principal kag dapat nga naka-comply man sa Department of Health (DOH) guidelines.
