MAKATI, CITY – Supportado ni Department of Education “DepEd”, Secretary Sonny Angara ang implementasyon sang Academic Recovery and Accessible Learning ukon “ARAL” Program, matapos ang positibo nga resulta sa una nga tuig.
Suno sa datos sang DepEd, sa School Year 2025-2026, nagnubo sang 4.5 million ang learners nga nagapangabay pa sang dugang nga bulig sa pagbasa, samtang nagsaka sa 2.5 million ang mga estudyante nga ginapaabot sa reading level para sa ila grado.
Samtang base naman sa independent impact evaluation nga ginpatigayon sang Youth Impact sa pakig-angot sa World Bank, ginabulubanta nga nagnubo sang 9 percent points ang bilang sang struggling readers bangud sa ARAL Program, ini may kabugusan nga 1.37 million sang kabataan sa pinakamababang reading bracket.
Naglab-ot naman sa 4.8 percentage-point increase sa grade-level reading proficiency ang evaluation, samtang 730,000 ka learners ang nakalab-ot sa reading standard.
Nagapadayon naman base sa mga evaluators, ang positibo nga resulta sa nagkalain-lain nga region sa pungsod.
Pahayag ni Education Secretary, nagapakita ang resulta nga epektibo ang targeted kag evidence-based nga intervention sa pagpauswag sang learning outcomes sang mga kabataan.
Ginrekomendar sang Youth Impact nga mapabakod pa sang DepEd ang ARAL Program pina-agi sa paghatag sang regular nga oras para sa basic literacy, groupings sang learners suno sa ila reading skills, kag paghatag sang dugang nga coaching sa mga manunudlo.
Dugang sa impormasyon ang ARAL Program ginpatuman suno sa Republic Act No. 12028, ukon ARAL Program Act, nga nagahatag sang structured remediation sa reading, mathematics kag science.
Nahibaluan nga pinaagi sa programa, ginapaupod ang mga learners sa public school teachers, licensed para-teachers, pre-service educators kag trained community tutors agud mabuligan ang mga kabataan nga may learning gaps.
