DepEd, wala sang may ginhatag nga pundo sa AFP para sa Youth Leadership Summit – Atty. Poa

Ginkumpirma ni Atty. Michael Poa nga wala sang may ginhatag nga pundo ang Department of Education ukon DepEd sa Armed Forces of the Philippines ukon AFP para sa pagpatigayon sang Youth Leadership Summit ukon YLS.

Ini ang sabat ni Poa sa pamangkot ni House private prosecutor Atty. Benjamin “Jay” Tolosa Jr. sa impeachment trial.

Sang ginpamangkot kon wala gid sang bisan isa ka piso nga ginhatag ang DepEd sa AFP para sa kasubong nga mga hilikuton, nagsabat si Poa nga “Yes, sir. I confirm that.”

Gin-athag naman ni Tolosa nga confidential funds ang ginrefer nga pondo, nga gin-ugyunan ni Poa.