Nagsabat naman kag nagpanindugan si lead defense counsel ni Vice President Sara Duterte nga si Atty. Sheila Sison nga indi dapat pagbalewalaon ang iya constitutional right against self-incrimination may kaangtanan sa request sang prosecution nga admission sa impeachment trial.
Ang bahin sang depensa nagsiling nga indi lamang ang mga kaso kriminal ang ginakilala sang mga desisyon sang Korte Suprema nga nagaamlig sini nga kinamatarong.
Suno kay Sison, ginkilala sang nasambit nga desisyon nga ang kinamatarong batok sa self-incrimination mahimo nga i-invoke bisan pa nga ang kinaiya sang isa ka proceeding administrative, ilabi na kon may yara sang final consequences.
Ginpahayag man sang abogado nga madugay na nga ginakilala sang Korte Suprema ang kinamatarong sang isa ka respondent ukon akusado nga maghipos kag indi pagpiliton nga maghatag sang testimonya nga mahimo makahalit sa iya kaugalingon.
