-- ADVERTISEMENT --
Gintalakay sanday Ferdinand Marcos Jr. kag Frank-Walter Steinmeier ang mga isyu may kaangtanan sa depensa, kalakalan kag pamuhunan sa ila pagpulong sa Malacañang bilang kabahin sang state visit sang lider sang Germany sa Pilipinas.
Suno sa mga ulat, ginhisgutan man sang duha ka lider ang pagpalapnag sang kooperasyon sa maritime affairs, climate change, renewable energy, peacebuilding kag iban pa nga larangan nga makapabakod sang relasyon sang Pilipinas kag Germany.
Luyag sang duha ka pungsod nga mas mapabaskog pa ang diplomatikong relasyon kag pagbinuligay sa ekonomiya, labi na nga ang Germany isa sa pinakamalapad nga trading kag investment partner sang Pilipinas sa sulod sang European Union.
