Ginpahayag nga indi sang bloodbath kundi bubble bath ang panan-awan sang House prosecution panel sa Answer Ad Cautelam nga ginsumiter ni Vice President Sara Duterte sa Senate impeachment court bilang sabat sa mga alegasyon sa batuk sa iya.
Ini ang ginpahayag ni House Impeachment Spokersperson Atty. Antonio Audie Bucoy.
Ginsiling ni Bucoy nga imbes atubangon ang mga mabug-at nga alegasyon, kaangay nga mas nakatutok ang kampo ni Duterte sa pagpugong sang hearing batuk sa iya.
Matandaan nga sang Biyernes, gin-file sang prosekusyon ang pormal na Reply sa Answer Ad Cautelam ni Duterte, nga ginapahayag nagaunod sang “misconceptions, falsehood and general denial.”
Hugot nga ginsiling ni Bucoy nga napaslawan nga sabton sang depensa ang mga sigurado nga alegasyon sang kamatuoran kag kaangay ginbaliskad sa diin naghatag sang pagkabilugan nga pagpanginwala sang wala esplikasyon.
Dugang pa sini, wala man ginsabat ni Duterte ang pagpanimangod sang prosekusyon nga gintuyo niya nga punggan ang pagpaguha sang mga dokumento sang Commission on Audit (CoA), kalakip na sang ginaalegar pamwersa sa nga CoA nga indi pag-isapubliko ang ila nga records.
Sa pihak sang mga pampubliko nga pahayag ni Duterte nga ginahangkat ang mga nagapang-akusar sa iya nga idayon ang trial, ginsiling ni Bucoy nga lain ang ginpakita nga hulag sang iya nga legal team.
