Nagmandu si Philippine National Police Chief PGen. Jose Melencio Nartatez Jr. sang isa ka independent investigation may kaangtanan sa alegasyon nga may pila ka pulis nga nag-escort sa itom nga van nga ginapatihan ginsakyan ni Senador Ronald “Bato” dela Rosa paguwa sa Senate compound sang Mayo 14.
Suno sa PNP, susihon sang mga imbestigador ang nagkalain-lain nga ebidensya pareho sang CCTV footage, logbook, radio dispatches, deployment logs kag body camera footage agud mahibaluan kon may wala ginpahanugutan nga bulig ukon pag-abuso sang awtoridad nga nahimo sang mga pulis.
Gin-athag man sang PNP nga ang imbestigasyon nagatuyo nga maberipikar kon may nalapas nga mga patakaran kag kon may personnel nga naggamit sang kagamitan ukon impluwensya sang pulisya nga wala sang kaundan nga permiso. Sa subong, wala pa sang opisyal nga resulta nga ginpaguwa samtang padayon ang masusi nga imbestigasyon sa insidente
