Ginpakigbahin sang Deputy Head of Capiz Delegations nga yara sa maayo nga kahimtangan ang tanan nga delegado sang Capiz sa Batang Pinoy 2025.
Sa interview sang Bombo Radyo kay Conwel Diestro, Deputy Head sang Capiz Delegations, iya ginpahayag nga may maayo nga tululugan ang mga delegado kag coach sa bahin sang General Santos City.
Suno pa kay Diestro, bastante man ang supply sang pagkaon nga ginatunga sang parehas para sa tanan nga atleta sang probinsya.
Pahayag pa niya, daku man ang pagpasalamat sini sa local government sang General Santos City sa paghatag sang bulig para sa mga delegado sang Capiz ilabi na sa pag-atipan sang isa ka atleta nga na-ospital bangud sa allergy.
Nagapanawagan man ang natungdan sang pangamuyo agud mangin madinalag-on kag mangin safe ang tanan nga delegado nga nagpartisipar sa Batang Pinoy 2025.
Interviewed by: Bombo Sunnie Mae Batencila via Zona Libre
