Bukas sa posobilidad si House Justice Committee member kag Manila Rep. Joel Chua nga mapalip-ot ang hearing sa duha ka impeachment complaints batok kay Vice President Sara Duterte.
May yara sang 60 session days ang komitiba agud talakayon ang apat ka reklamo batok sa bise presidente humalin sang gin-refer ini sa komitiba sang Pebrero 23 subong nga tuig.
Suno kay Rep. Chua, ang kalawigon sang hearing nagadepende sa mga ebidensya nga igapresentar kag mga testimonya nga igapaguwa, kaangay sang mga complainants kag mga respondents.
Posible man nga mapadali ang hearing kun pilion sang kampo sang bise presidente nga indi mag-atubang sa hearing.
Pahayag pa niya, dako ang posibilidad nga indi magamit sang komitiba ang bug-os nga 60 session days antes padayunon ang plenary hearing sa duha ka nabilin nga impeachment complaints batok kay VP Sara.
Nahibaluan nga nangin duha na lang ang anay apat ka impeachment complaint matapos nagdesisyon ang komitiba nga ang una ang naglapas sa 1-year bar rule samtang ang ikaduha nga nag-withdraw kag ginsuportahan ang ikatlo nga reklamo.
Dugang pa sang mamalidha, madamo sang dapat usisaon sa hearing proper nga natalana nga magasugod sa Marso 25.
