-- ADVERTISEMENT --
Ginpanindugan ni Private Prosecutor Atty Amando Virgil Ligutan nga pinal na kag gina-implementar ang desisyon sang Commission on Audit (COA) nga nagapamatuod sang Notice of Disallowance (ND).
Suno sa iya, indi ini makabig nga ordinaryo nga pag-apelar sa Korte Suprema bangud ang mahimo nga i-file amo ang Rule 65 certiorari, nga lain sa regular nga proseso sang pag-apela.
Suno kay Ligutan, kun wala sang temporaryo nga restraining order (TRO) ang Korte Suprema, dapat ipatuman ang desisyon sang COA.
Bangud sini, ginpahayag sang natungdan nga indi acceptable nga rason ang pagsiling nga pwede na ini ipataas sa SC nga i-postpone ang implementasyon sang Notice of Disallowance.
