ROXAS CITY – Gin-relieve sa pwesto ang desk officer sang Roxas City PNP matapos nadakpan nga nagakatulog sa oras sang trabaho .
Ini ang una nga aksyon sang hepe sang Roxas City PNP nga si Superintendent Dante Tayco, kasunod sang kontrobersiya nga finadalahigan ni PO2 Christopher Calinao.
Nahibaluan nga matapos ang insedente gilayon nagpapanaug sang memorandum si Tayco kasunod sang pagrelieve bilang desk officer kay Calinao nga karon na-assign na sa Bantay Dagat task force nga ginapamunuan ni Punong barangay Manuel ”Bong Bong” Aninang.
Samtang nakasumite na sang explanation letter si PO2 Calinao sa talatapan sang NAPOLCOM Region 6, sa diin gindepensahan sini ang kaugalingon batuk sa mga akusasyo nga ginahaboy sa iya.
Sa interview sang Bombo Radyo Roxas kay Allen Camiring, ang spokesperson sang NAPOLCOM Region 6, ginpahayag sini nga nagpanindugan ini nga wala siya nagatulog sa oras sang trabaho kag nagapungko lamang sang nag-abot ang reporter sang Bombo Radyo.
Makapamatood suno kay Calinao nga nagasugid ini sang matood ang ginhanda nga kopya sang lotter reports para sa tatlo ka radio station.
