Detachment sang militar sa Capiz, ginpaulanan sang bala sang ginapatihan mga miyembro sang rebelde nga grupo

ROXAS CITY – Ginpaulanan sang bala sang wala pa matumod nga mga armado nga mga persona ang detachment sang militar nga naba-se sa Barangay Katipunan, Tapaz, Capiz.

Ba-se sa inisyal nga imbestigasyon, masobra lima ka mga persona ang nagpinalupok sang ila armas sa detachment sang 12th Infantry Battalion sang Philippine Army sa nasambit nga lugar.

Mahibaluan nga nagdugay sang kapin sang 10 minutos ang pagpaulan sang bala sang armado nga mga persona nga nagtuga sang kakugmat sa mga residente malapit sa lugar.

Ginapahayag nga madasig nga nagpalagyo ang mga armado nga persona sa Sitio Bulod, Barangay Roosevelt, sa amo man nga banwa.

Wala naman sang may napagkit nga napilasan sa nasambit nga insidente.