Nagpanawag ang Department of Foreign Affairs (DFA) sa China nga untaton na ang panakop sa Panganiban kag Subi Reefs sa West Philippine Sea.
Suno sa DFA, klaro nga sakop ini sang Philippine exclusive economic zone (EEZ) kag napailalom sa United Nations Convention on the Law of the Sea (UNCLOS) base man sa 2016 Arbitral Award.
Ginpabutyag sang DFA nga ang pagtukod sang isla sang China nagalapas sa Philippine Maritime Zones Act kag UNCLOS. Ang amo nga pahayag sang DFA sunod ini sa ginbun-ag sang People’s Liberation Army (PLA) nga pagpa-release sang pila ka flares batok sa eroplano sang Philippine Coast Guard (PCG) nga nagahimo sang maritime domain awareness flight sadtong Lunes.
Naghimo man ang mga Chinese forces nga nagapanakop sa Panganibang kag Zamora Reefs sang radio challenge sa eroplano sang Pilipinas antes sila maglapag sa Pag-asa Island.
