Gin-athag sang Department of Foreign Affairs nga ang mga produkto nga himo sa Pilipinas ang wala nagagamit ukon nagasalig sa forced labor.
Ang nasambit nga pahayag kasunod sang 12.5% nga taripa nga ginpatuman sang gobyerno sang Estados Unidos sa Pilipinas kag iban pa nga mga pungsod, nga ginapahayag bangud sa kakulang sang aksyon batuk sa forced labor.
Suno sa DFA, madugay na nga may mga kasuguan ang Pilipinas nga nagadumili sang forced labor kag padayon nga ginapabaskog sang gobyerno ang mga mekanismo sa pag-imbestigar kag pagsabat sa mga alegasyon may kaangtanan sa sini nga sahi sang forced labor.
Kaangot sini, ang gobyerno sang Pilipinas magapadayon sa pag-coordinate kag paghiwat sang paghinun-anon upod sang ila counterpart sa US kaangay sang Office of the United States Trade Representative (USTR)—para i-apela ang taripa kag ipaathag ang panindugan sang pungsod.
Suno naman kay Philippine Ambassador to the United States Jose Manuel Romualdez sang Biyernes, maga-negotiate sila agud mabuhinan ang 12.5% nga taripa.
