Ginpataas sang gobyerno sang Pilipinas ang crisis alert level 3 sa Israel kag Iran.
Bangud sini, gin-engganyo sang Department of Foreign Affairs (DFA) ang mga Filipino workers sa Iran kag Israel nga magsabat sa panawagan para sa boluntaryo nga pagpauli.
Ang Crisis level 3 ukon boluntaryo nga repatriation ang ginapasaka sang gobyerno sang Pilipinas sa mga pungsod nga may nagalala nga kinagamo.
May yara sang ginabanta 30,000 ka mga Filipino workers sa Israel, kalabanan sa mga ini mga caregivers, samtang may masobra 1,000 naman sa Iran.
Suno sa DFA, mahimo makig-angot sa embahada ang sin-o man nga OFW nga interesado nga mag-evacuate agud ma-areglo ang ila pagpauli sa pungsod.
Madumduman nga nagbayluhanay sang missiles ang Iran kag Israel pila ka semana na ang nakaligad, sa diin madamo nga mga sibilyan ang na-trap sa kinagamo.
