Hibaluon sang Department of Foreign Affairs (DFA) ang ginpahayag nga military exercise nga ginpatigayon sang Chinese People’s Liberation Army (PLA) Navy sa sulod sang exclusive economic zone (EEZ) sang Pilipinas.
Sa bilateral nga paghinun-anon kay Hungarian Foreign Minister Péter Szijjárto, ginsiling ni DFA Secretary Enrique Manalo nga luyag nila nga imbestigahan sang instakto ang nasambit nga insidente agud malikawan ang tensyon sa tunga sang duha ka pungsod.
Samtang, wala naman nagkomento si Manalo kung masiling nga maka-alarma ang mga nasambit nga aktibidad.
Matandaan una na nga ginkumpirmar sang Armed Forces of the Philippines ang presensya sang 22 Chinese navy vessels sa sulod sang Philippine Exclusive Economic Zone sumugod Hunyo 4 tubtob 10, mas mataas sa 11 vessels monitor sumugod Mayo 28 tubtob Hunyo 3.
