ROXAS CITY – Indi pa makahatag sang pat-ud nga petsa ang acting chief of hospital sang Roxas Memorial Provincial Hospital kun san-o magasugod ang operasyon sang Dialysis Unit sa nasambit nga ospital.
Ginpahayag Dr. Edmarie Magallanes Tormon nga sa pihak nga nabaton na sang RMPH ang PhilHealth certification kag nakapaidalum naman sa orientation ang mga personnel, indi pa maka-operate ang nasambit nga facilidad bangud ginakaayo pa ang atop nga nagatulo kun magbubo ang mamunog nga pag-ulan.
Nahibaluan nga ginapadasig na sang gobernador ang pagrepair agud masuguran na ang operasyon bangud madamo nga mga pasyente ang nagahulat nga maserbisyuhan sang dialysis machine.
Samtang ginklaro naman ni Dr. Tormon nga dry run pa lamang sa Dialysis unit machine ang ginpatigayon sang nagligad nga Hulyo 1-2, 2019 sa diin kapin sa 20 ka mga pasyente ang ila gin-cater.
Apang sa pihak nga dry run lamang ang ginpatigayon, may yara sang presensiya sang doktor sa lugar kag naga-asister kun kinahanglanon.
Pananglitan nga mangin operational na ang Dialysis Unit sa RMPH, ginpasiguro ni Dr.Tormon nga may isa ka nephrologist nga magatsekyar sa mga pasyente kag duha ka mga resident doctors.
