Nagpaandam sa publiko ang Department of Information and Communications Technology angut sa mga bag-o nga bogus sang mga text scheme sa palaabuton nga holiday season.
Suno kay Undersecretary for Infrastructure Management, Cybersecurity & Upskilling Jeffrey Ian Dy, naga-gamit sang bag-o nga teknolohiya ang mga sindikato nga ginatawag nga ‘fake base station’ kun sa diin na-intercept ang messages nga ginapahayag nga ginapadala pabalik sa ila estasyon kag sa isa ka click ukon reply lang diri, madasig nga mape-peke ang inyo mga detalye.
Masami man suno nga nagakuno-kuno ang mga sindikato bilang service provider kasubong sang food delivery, online bank accounts, telcos, kag e-wallet.
Dugang pa ni Dy maayo nga magpadulong nalang mismo sa mga app provider agud masiguro nga safe ang pag-access sang mga impormasyon.
Dugang pa sini nga epektibo ang SIM card registration bangud sa masobra 70% ang nabuhin nga kaso sang cybercrime apisar nga una na nga napabalita sang Philippine National Police ang pagtaas sang kaso sang cybercrime sa pungsod.
Aminado ang DICT, nga indi nila matapatan ang mga equipment sang mga sindikato, panugyan sang mga ini sa publiko, indi mag-click sang anuman nga link ukon indi pagtawgan ang mga anuman nga cellphone number nga ginahatag sa mensahe nga nabaton.
