Nagtimbuok pa gid sa masobra P130 kada litro ang diesel samtang masobra P100 naman sa gasolina subong nga semana samtang nagapadayon sa gihapon ang tension sa Middle East sa ika-tatlo na nga semana.
Sa data sang Department of Energy, nagapakita ang adjustments sa presyo sang gatong para sa subong nga adlaw, Marso 24 tubtob Marso 30, 2026.
Suno kay Energy Secretary Sharon Garin, wala sang control sa presyo ang gobyerno bangud deregulated ang oil industry, buot silingon, mismo ang mga kompaniya sang langis ang nagadesisyon sa presyo sang produktong petrolyo.
Kadam-an sa mga oil firms subong ang nag-anunsyo sang one-time, big-time nga pagtaas indi kaangay sang nagligad nga semana nga gin-utay utay ang pagsaka sang presyo sang gatong.
Yari ang ginabanta pagtaas sang presyo sang produktong petrolyo subong nga adlaw;
*Diesel – P15.00 tubtob P18.00 kada litro
*Gasolina – P8.00 tubtob P12.00 kada litro kag;
*Kerosene – P12.00 tubtob P22.00 kada litro
Suno kay Sec. Garin, duha lang gid ka mga oil companies ang nagdeklara nga utay-utay ang pagpasaka sang presyo sang gatong humalin subong nga adlaw.
