Suportado sang isa ka network sang mga digital advocate ang mandu ni Presidente Ferdinand Marcos Jr. nga pagbawal sa tanan nga Philippine Offshore Gaming Operators (POGO).
Ginpahayag ni Digital Pinoys national campaigner Ronald Gustilo nga dapat madasig nga ipatuman sang Philippine Amusement and Gaming Corporation (PAGCOR) kag mga law enforcement agencies ang ginamandu sang chief executive agud punggan ang mga nabilin nga POGO nga mangin underground.
Gintuad man ni Gustilo nga dapat siguruhon sang gobyerno nga mabuligan ang mga mamumugon nga Pilipino nga apektado sang pag-ban sa POGO.
Dugang pa sini nga magluwas sa pagiging torture site kag sexual exploitation hub, ang pila ka POGO ang nagapadalagan man sang mga scam hub nga naga-target sa mga nagagamit sang cryptocurrency.
