ROXAS CITY – Magatukod sang task force ang gobyerno-probinsiyal nga magatutok sa pagtapna sang insurhensiya sa Capiz.
Ini ang nahinalaan sa ginpatigayon nga Provincial Peace and Order Council Meeting nga ginpangunahan mismo ni Capiz governor Esteban Evan ‘Nonoy’ Contreras.
Suno kay Department of Interior and Local Government (DILG) Capiz provincial director John Ace Azarcon, may yara sang direktiba gikan sa Office of the Presidente nga kinahanglan magtukod sang ahensiya sang task force nga magabulig agud mapapas ang terorismo kag insurhensiya.
Bangud diri magatukod ang gobyerno-probinsiyal sang Ending Local Communist And Criminality (ELCAC) nga magatutok sa nasambit nga kampanya.
Ang gintukod nga task force sang gobyerno-probinsiyal ang pagasundan man sang pagtukod sang task force sa mga kabanwahanan tubtob sa lebel sang mga barangay.
Samtang sa nasambit nga sinapol, ginpabugal sang anay sang Philippine Army ang dako nga numero sang rebel returnees nga patimaan nga madamo na ang nagabalik sa sabak sang gobyerno gikan sa hublag sang mga terorista nga grupo.
Sandig man sa datos, nagnubo ang kaso sang mga kriminalidad sa Capiz sini nga tuig 2019 kun ikomparar sang nakaligad nga tuig 2018.
