Ginaduso sang Department of the Interior and Local Government ukon DILG ang restriction sang internet kag social media access sang mga menor de edad kasunod sang pagpangluthang sa Banga National High School sa South Cotabato.
Suno kay Interior Secretary Jonvic Remulla, magapakig-angot ang DILG sa Department of Information and Communications Technology ukon DICT agud pangabayon ang Kongreso sang mga tikang agud malimitahan ang paggamit sang social media sang mga kabataan.
Ginpahayag man ni Remulla nga luyag sini nga magpangayo sang pahanugot sa Korte Suprema agud mahatagan sang gahum ang Philippine National Police nga magpatigayon sang inspection sa mga puluy-an sang mga lisensyado nga tag-iya sang pusil, agud masiguro nga naka-insure sang maayo ang mga ini.
Dugang pa ni Remulla, ang pusil nga gingamit sa insidente ang narehistro sa amay sang 14-anyos nga estudyante nga ginkilala nga suspek.
Nahibaluan man nga ang amay, ang isa ka opisyal sang Department of Education, may tatlo ka rehistrado nga pusil, apang wala ini sang nagakaigo nga seguro.
