Ginganyat sang pamunuan sang Department of Interior and Local Government ang tanan nga mga lokal nga gobyerno nga magpatuman sang mga pagsulundan sa paggamit sang palupok sa pagsugata sa bag-ong tuig.
Ginhimo ni Interior Sec. Jonvic Remulla ang ini nga pahayag agud mabuhinan ang numero sang mga nabalhag nga fireworks related injuries sa pungsod.
Suno kay Remulla, kinahanglan nga striktuhan sang mga LGU ang mga residente sa paggamit sang palupok kag maghiwat sang mga community fireworks display nga may nagakaigo nga permits.
Ginmandu man sang tiglikom ang paghiwat sang public awareness campaign tuhoy sa mga risgo nga tuga sang palupok.
Ginasiguro naman sang tiglikom sa pamunuan sang Bureau of Fire Protection nga ang tanan nga mga ginpahamtang nga lugar para sa fireworks display ang nagasunod sa mga pagsulundan sa idalom sang Republic Act No. 9514 ukon kilala sa tawag nga Fire Code of the Philippines.
Ginmandu na man ni Remulla sa PNP nga higpitan ang ila mga operasyon batuk sa mga ilegal nga palupok.
Liwat naman nga nanawagan ang tiglikom sa publiko nga likawan na nga mag gamit sang palupok sa pagsugata sa Bagong Tuig kag maggamit na lamang sang mga alternatibo nga pampagahod.
