Ginkumpirmar sang Department of the Interior and Local Government (DILG) nga ginpangunahan na sang mga lokal nga otoridad ang pagtratar sa lugar ni Senator Ronald “Bato” Dela Rosa suno sa ulat sang arrest warrant halin sa International Criminal Court (ICC).
Sunod kay DILG USec. for Public Affairs and Communications Donnie Puno, sa tunga sang ginauyat nga ICC warrant, maayo nga masiguro nila kun diin ang Senador labi na kay wala na siya nagapakita sa Senado sulod sang pila ka semana.
Ginasiling man nila nga siguruhon nil nga sila ang mangin una nga makahibalo kun sa diin ang Senador.
Ginpanghayag man ni USec. Puno nga ginmonitor sang mga otoridad ang Senador sa anum ka nagkalain-lain nga lugar sa nagligad nga tatlo ka semana, kadam-an sa mga balay sang iya abyan kag mga kontak.
Nagahulag man si Dela Rosa gamit ang nagkalain-lain nga mga salakyan.
Nagpa-iway anay si Puno sang paghatag sang partikular nga mga lugar nga nakit-an ang Senador, apang ginpamatud-an niya nga ang tanan nga lugar nga ginpadalman sang Senador ara sa Pilipinas.
Ginklaro man sang DILG nga indi ginakabig nga’fugitive’ si Dela Rosa bangud wala pa sang gin-isyu nga warrant.
