Mariing nga ginpanginwala sang DILG Secretary nga si Jonvic Remulla ang mga alegasyon nga nakabaton sang espesyal nga pagtratar si Curlee Discaya matapos ini arestuhon bangud sa mga kaso nga may kaangtanan sa ginapahayag nga anomalya sa mga flood control projects. Ginpahayag niya nga wala sang kamatuoran ang mga balita nga ginaprotektahan si Discaya bangud sang iya ginatawag nga koneksyon sa mga kilala nga personalidad sa pulitika.
Suno kay Remulla, pareho man sa iban nga detenido, ibutang si Discaya sa regular nga detention facility kag wala ini sang espesyal nga pribilehiyo. Gindugang pa niya nga ang korte ang may katungdanan sa pagdesisyon kon diin ibutang ang akusado samtang ginadunggan ang iya kaso.
Ginpahayag man sang kalihim nga padayon ang imbestigasyon may kaangtanan sa ginadudahang flood control scam kag posible nga madugangan pa ang mga arestuhon sa masunod nga mga inadlaw. Suno sa iya, siyam na sa onse ka mga ginakabig nga akusado ang yara na sa kustodiya sang mga awtoridad samtang duha pa ang ginapangita.
Nahibaluan nga si Discaya ang una nga gin-turn over sa DILG matapos ang pila ka bulan nga pagdetinar sa Senado kag may yara sang warrant of arrest nga ginpaguwa sang korte may kaangtanan sa kaso sang malversation kag iban pa nga alegasyon.
