Ginapanindugan ni Department of the Interior and Local Government Secretary Jonvic Remulla nga indi “under attack” ang Senado.
Suno kay Remulla, sandig sa mga ebidensya kag sa imbestigasyon, wala sang pagpang-atake nga natabo sa Senado.
Ginpresentar mismo ni Remulla kag ni Philippine National Police (PNP) Chief Jose Melencio Nartatez Jr. ang Closed Circuit Television (CCTV) footage sa Government Service Insurance System (GSIS) complex kag sa Senate building nga nagapakita kun paano nag-umpisa ang insidente.
Ginpahayag ni Remulla nga wala sang National Bureau of Investigation (NBI) agents nga yara sa sulod sang Senate building, kun sa diin nahamtang sa sulod sang GSIS complex.
Suno sa iya, antes pa man ang insidente, naghatag na sang direktiba si suspended Acting Senate Sergeant-at-Arms Mao Aplasca nga mag “lock and load.”
Pahayag ni Remulla, ginpahibalo na si President Ferdinand “Bongbong” Marcos Jr. natuhoy sa natabo, apang wala pa sang may ginhatag nga direktiba.
Nahibaluan nga makapila ka beses nga ginsapubliko kag gin-anunsyo ni Senate President Alan Peter Cayetano nga “under attack” ang Senado.
