Wala pa sang may nabaton nga impormasyon ang Department of Interior and Local Government (DILG) kag Department of Justice (DOJ) nga nadakpan na si Senador Ronald “Bato” Dela Rosa.
Kasunod ini sang paglapta sang balita nga nadakpan na ang anay hepe sang Philippine National Police (PNP).
Si Dela Rosa ang nagapangatubang sang kaso nga crime against humanity gikan sa International Criminal Court (ICC) nga tuga sang war on drugs sang panahon ni anay Presidente Rodrigo Duterte kun sa diin siya ang hepe sang PNP.
Una sa ginpahayag ni DOJ spokesperson Atty. Polo Martinez nga indi niya makumpirmar nga may natabo nga pag-aresto.
Samtang gin-maintain naman sang DILG nga wala sang may natipon nga impormasyon ang PNP sa pagkadakop kay Dela Rosa.
Ulihi nga nakit-an sa publiko ang Senador sang Mayo 12 sang nagtambong ini sa sesyon sang Senado antes ini gin-alegar gin-run out ni Senador Robinhood Padilla.
