Isasapinal na sa masunod nga Miyerkules ang pinal nga report tuhoy sa nagluntad nga shooting incident sa Senado sang Mayo 13. Sa subong, padayon nga ginapangolekta sang Department of the Interior and Local Government ukon DILG ang mga kopya sang CCTV footage agud mabusisi ang natabo nga insidente.
Ginkumpirmar ni Jonvic Remulla ang amo nga tikang matapos ginpahayag ni Mao Aplasca nga limitado lamang ang ila nakuha nga CCTV footage, kag wala sang video nga nagapakita sang aktwal nga paghinaliay sang mga personnel sang Senado kag Philippine Marines samtang may pagpinalupok.
Suno kay Remulla, may yara sila sang video halin sa media nga ginarepaso na sang mga otoridad bilang kabahin sang imbestigasyon. Nahibaluan nga nagsugod ang tensyon matapos nagpakita liwat sa Senado si Ronald dela Rosa matapos ang pila ka bulan nga wala makita sa publiko bangud sang mga isyu may kaangtanan sa warrant sang aresto halin sa ICC.
