Ginpasalig ni Department of the Interior Secretary Jonvic Remulla nga safe si Senator Ronald “Bato” dela Rosa kag yara subong sa hugot nga seguridad sa tunga sang tensyon kag lockdown sa Senate building.
Suno kay Remulla, ginpahibalo si Dela Rosa ang ginpatigayon nga sweep operation sa bug-os nga building apang ginpili sini nga magpabilin kag magpahuway sa iya opisina.
Ginhatagan man pagtamod ni Remulla nga wala sang pending nga arrest warrant batok sa senador sa sini nga tion, kag personal siya nga nagkadto agud masiguro ang seguridad sang senado kag sang tanan nga mga senador.
Matandaan nga kagab-i nag-init ang sitwasyon matapos nabatian ang sunod-sunod ga lupok sa senado samtang yara sa protective custody si Dela Rosa.
Suno kay Remulla, gina-imbestigaran pa sang mga otoridad paagi sa CCTV footage kun pila kag sin-o ang involved sa shooting incident.
Samtang, ginpahayag namn ni Senate President Alan Peter Cayetano nga ginapatigayon man ang maid-id nga imbestigasyon agud mapabilin indi lamang ang kaluwasan sang mga senador kundi ang integridad sang senado bilang simbolo sang demokrasya sang pungsod.
Padayon man ang mga otoridad sa floor-by-floor sweep operation sa bug-os nga Senate complex agud masiguro ang seguridad sang lugar.
