Nagapati si DILG Secretary Jonvic Remulla nga yara si Resigned Ako Bicol representative Elizaldy “Zaldy” Co sa Portugal sa tunga sang nagapadayon nga pag-aresto sa mga indibidwal nga may kaangtanan sa anomaly sa flood control sa bahin sang Mindoro.
Suno kay Remulla, may yara sang ginakaptan nga Portuguese passport si Co rason nga nakasulod ini sa amo nga pungsod.
Pahayag pa niya, mahimo nga ma-protektahan sang pungsod Portugal si Co sa mga kaso nga ginapangatubang sini samtang nagatinir ini sa amo nga lugar.
Wala man sang extradition treaty ang pungsod Pilipinas sa Portugal.
Nahibaluan nga sang tinalikdan nga November 21, 2025, nagpagwa sang mandu si President Ferdinand Marcos Jr. sa pagpagwa sang mga warrant of arrest batuk kay Co kag sa 15 pa ka mga opisyal sang Department of Public Works kag Highways and directors of Sunwest Corporation angut sa flood control anomaly.
