ROXAS CITY – Madamo ang ginkilig sa ginpatigayon nga ‘dinner-date’ para sa mag-asawa nga Singh nga nag-ayuhay matapos una nga nag-away kag nag-face-off sa Bombo Radyo.
Mahibaluan nga matapos napakigbahin sa Bombo Radyo ang nangin problema bilang mag-asawa nanday Mr. & Mrs. Christian Michael kag Mary Angel Singh, gilayon man sila nga nag-ayuhay sa bulig sang pila ka mga eksperto kag counselors.
Bangud naka-relate sa istorya sang mag-asawa, nagpakig-angut si City Councilor Midelo Ocampo sa Bombo Radyo agud magpatigayon sang isa ka ‘dinner date’ sa isa ka sikat nga resort sa siyudad sang Roxas para sa mag-asawa nga Singh.
Naghatag man sang iya nga panugyan si Ocampo kag nagalaom nga mas mapabakod pa sini ang relasyon sang mag-asawa nga Singh.
Gin-athag naman ni Christian nga indi sang ‘publicity’ ang iya katuyuan kag gin-athag nga indi sini gusto nga magbulagay sila sang misis rason nga nagdangop ini sa Bombo Radyo agud magpabulig.
Nagalaum naman si Mary Angel nga mas mangin mabakod pa sila bilang mag-asawa kag mangin maintiendihon sa isa kag isa sa anuman nga problema nga ila pagaatubangon.
Nagbayluhanay man sang ‘I love you’ ang duha sa live-coverage sang Bombo Radyo sa ila nga dinner-date.
