Tuman ang kakibot sang mga nakasaksi sa pagtibusok sang eroplano sa airport sang Aktau, Kazakhstan.
Isa ka Azerbaijan Airlines (AZAL) plane nga naga-operate sang flight J2-8243 gikan sa Baku padulong sa Grozny ang nagtibusok via emergency landing.
May 67 ini nga sakay, kalakip ang 62 ka pasahero kag lima ka crew members.
Suno sa mga inisyal nga report, ang pagtibusok ang tuga sang pagbunggo sa mga pispis ukon bird strike.
Bangud sa madamol nga fog sa Grozny airport, ang eroplano ang una nga na-redirect sa Makhachkala kag pagkatapos sa Aktau.
Sa oras sang emergency landing, wala nakabaton sang clearance ang crew agud maghugpa sa Grozny.
Ang mga pasahero ang nagikan sa nagkalain-lain nga pungsod: 37 gikan sa Azerbaijan, 16 ang nagikan sa Russia, 6 sa Kazakhstan, kag 3 ang nagikan sa Kyrgyzstan.
Nagpahayag sang pagpakig-unong ang airline company sa mga pamilya sang mga biktima kag ginsiguro nga magahatag ini sang tanan nga kinahanglanon nga suporta.
Padayon ang imbestigasyon sang mga otoridad sa matuod nga rason sang pagtibusok.
