Magasugod na nga mag-operate ang direct flights nagikan sa Pilipinas padulong Paris sa palaabuton nga Disyembre subong nga tuig.
Ini ang gin-anunsyo ni French Ambassador in Manila Marie Fontanel pinaagi sa isa ka press briefing.
Suno kay Fontanel, tinutuyo sang nasambit nga tikang nga pabaskugon ang pagbayluhanay sang torismo indi lamang sang Pilipinas kag France apang mangin sang Pilipinas kag European Union.
Pahayag naman ni Air France KLM General Manager Femke Kroese, pagasuguran nga i-operate ang direct flights padulong Paris sa Disyembre 8, 2024.
Ginalauman suno diri ang operasyon sang Manila-Paris direct flights kada adlaw sang Martes, Huwebes kag Domingo kung sa diin yra sa 14 oras ang kadugayon sa biyahe.
Samtang, ginsiling ni Department of Transportation (DOTr) Secretary Jaime Bautista nga preparado ang Ninoy Aquino International Airport (NAIA) agud masiguro ang maayo nga operasyon sang Air France sa pungsod.
