ROXAS CITY – Mahimo nga magpadala sang sulat sa talapatan sang Department of Agriculture (DA) sa Regional Office kun may reklamo angut sa Rice Financial Assistance (RFA).
Ini ang ginpahayag ni Remelyn Recoter, Director sang Department of Agriculture – Region 6 sang mainterview sang Bombo Radyo.
Suno kay Recoter nga masabat gid lamang sini ang mga palamangkutanon nga may kaangtanan sa Rice Financial Assistance (RFA) nga para sa mga mangunguma kung ini ang makabaton sang complaint letter.
Dugang pa sini nga, pinaagi sa sulat mahimo nga makuha ang pangalan sang tagreklamo agud maberipika sa Registration System for Basic Sector and Agriculture ukon RSBSA agud masabat sang insakto ang mga palamangkutanon.
Gin-athag man ni Recoter nga makabaton ang isa ka mangunguma sang RFA kun ang ini ang nakarehistro sa RSBSA kag may yara nga duwa ka ektarya panubo nga gina-umhan.
Dugang pa sini nga wala ga-require ang ila nga talapatan kun indi bakunado ang isa ka indibidwal kag mahimo ini nga maka-claim.
